أَلِفٌ .... يَاءْ
ما بين الألف والياء
باع من الأشواق ..
ده حبك ذكرى جوايا
لا يمكن يمحيها فراق ..
إنتي نوارة عمري
جنة بلا أشواك ..
وأنا .. ريحان عندك
ساهر أفوح عطري
أمين على الأملاك ..
نفسي أبوحلك بسري
يا أجمل لحن جوايا ..
وبخاف الدمعة تجري
من عينك .. فـ بخبي هوايا ..
ده بين صمتك وبين خوفي
تموت الدمعة في عيني ..
وتنزل دمعة من عينك
فـ تحضنها ضفاف قلبي..
وبين يأسك وبين شوقي
تموت الكلمة في شفايفي ..
ومن عيوننا بنندارى
لا تفضح قلبك وقلبي ..
حروف اسمك بتندهلي
وفي كل لحظة ويايا ..
وفـ أحلامي ما بخبي
عليكي .. حبي وهوايا ..
نسيني همومي بفرحك
دوايا في عينك داويني ..
ده كلمة من بين شفايفك
أعيشلك بيها كل سنيني ..
بَحِبَك .. بَحِبِك .. بَحِبَك
YaSseR
15/10/2010
ليست هناك تعليقات:
إرسال تعليق