كلمة بحبك

كل مرة بتسأليني ! .. لسة برده بتسأليني !
عايزة ايه تاني من الكلام
كل اللي فيها خلاص اتقال
أيوة .. بحبك ... إنتي حبيبتي
لا القول قولك .. ولا الكلمة كلمتي ..
إزاي عايزاني أفكر تاني
هو بإيدي ولا بإمكاني
أحكم مفاتيح قلبي بعقلي
وأمسك عليه بإيدي واسناني

مين قال ... ده كلام وكان
ما عاد ينفع .. ولا حتى يخسر

***

لسة برده هاتسأليني ...
شايفك وعارف ... ولامس الكلمة في شفايفك
ليه خايفة تنطقيها .. ولا الخوف خلاص بقى مالكك
هو ده اللي مخليني بقولها .. بكل جوارحي أيوة بحبك

عايزة يعني تعرفي ... يعني ايه كلمة بحبك
كلمة بحبك .. هي اللي جاية
تشرح تقولك .. احساسي اللي بيا
تشرح تقول ..قد ايه ساكنة فيا

لما تيجي وتقول تحية
إنتي أحلى حاجة عندي
إنتي كل الدنيا ديا

عارفة إيه ..
عارفة ايه انتي في حياتي ..
عارفة كل ليلة يوماتي ..
بقول بحبك ..

كلمة تخرج من بين شفايفي
أهمس بيها في ودانك
وتحسي بكل أناتي
وتسمعها كل دقاتك

عارفة ليه ؟ ..
عارفة ليه انتي اللي ليا
علشان انتي معنى الوجود
علشان انتي الدنيا ديا
وبيكي عديت الحدود

***

كنت فاكر انك خلاص مش ليا
وجاي ننهي الحكاية ديا
بس لا .. لا لا .لالا
مش هاسيب اليأس يعسرني
مش هاترك للأسى منفذ
لا الحزن هايمسح دمعي
ولا الكره أصبخ مُخلد

إنتي نبض الحياة
وإنتي طوق النجاة
إنتي الأمل في الوجود
وإنتي إحساس الحياة

***

شوفتي بقى ازاي
عرفتي معناها
ولا لسة عايزة تاني
قلبك ما عاد ينساها
ولا عمرك هتسألي تاني
لأن من النهاردة بقولها
هاعيش علشانك بقول كل الأغاني
ولأن الحب كلمة صعب معناها
إوعي تسأليني من تاني

*******

Yasser Rashad

03/02/2009